சமுதாய எதிரிகள்

Be careful என்று நாம் பல காரியங்களுக்கு எச்சரிக்கை செய்கிறோம், கொஞ்சம் அசந்தாலும் நம்மை விழுங்கி ஏப்பம் விட தாராக இருக்கிறது நம்மை சுற்றியுள்ள உலகம்.

எங்கே நாம் கவன குறைவாக இருக்க கூடாது என்றால் அப்படி ஒரு இடமே இல்லை என்று சொல்லும் அளவிற்கு, எங்கும் எதிலும் பித்தலாட்டம் நிறைந்து காணப்படுகிறது.

நான் ஒரு குஜராத்திகாரர் நடத்தும் நிறுவனத்தில் ஒருமுறை வேலை செய்து வந்தேன் அப்போது நான் கண்டவை எனக்கு புதிதாக தோன்றின, அதாவது குஜராத்திகாரர்கள் மற்றவரிடம் வேலை செய்யும்போது, (பெரும்பாலும் அவர்கள் தாங்கள் ஜாதிகாரர்களிடம் தான் வேலை செய்வார்கள் ) வேலையை கற்று கொண்டு வேலைசெய்து வேலையில் நன்கு தேர்ச்சி அடைய துவங்கியபின் அவர் வேலை செய்யும் முதலாளியின் பணத்தை திருட்டு கணக்கு எழுதி வைத்து விட்டு, பணத்தையெல்லாம் அபகரித்து கொண்டு தனக்கென ஒரு நிறுவனத்தையோ தொழிலையோ துவக்கி கொண்டு போய் விடுவர், அதே போல அவரிடம் வந்து வேலைக்கு சேர்பவர்களும் அதையே செய்வர்.

அதாவது ஒருவனிடத்தில் திருடினால் தான் அடுத்தவன் முதலாளியாக முடியும் என்பதை formula வாக கைகொள்ளுவதன் மூலமே அவர்களால் முன்னுக்கு வர முடிகிறது என்பது அவர்களின் கொள்கையாகவே இருக்கிறது.

இணைய தளத்தில் சாட்டிங் செய்வதன் மூலம் நிறைய பேர் ஏமாந்து இருக்கிறார்கள் என்று நான் கேள்விப்பட்டு அதனால் அது எப்படி என்று பார்க்க நானும் சாட்டிங் சென்று பார்த்தேன், அடேயப்பா! வெளியுலகத்தில் நடக்கும் அத்தனையும் ஆட்க்களை நேராக பார்க்காமலேயே நடக்கிறது சாட்டிங் என்ற பெயரில், மோசடிகளில் தான் எத்தனை வகைகள்.....

ரயிலில் பயணித்த ஒருவர் என்னிடம் சொல்லியது, வண்டி ஏதாவது ஸ்டேஷனில் நிற்கட்டும் கழிப்பறைக்கு போய்விட்டு வரலாம் என்று காத்திருந்தாராம், அப்படி அவர் போய் விட்டு வந்துபார்த்தால் அவர் வைத்துவிட்டு போன பொருட்களில் அவரது லேப்டாப் வைத்திருந்த பையுடன் காணாமல் போனதாம், அலுவலக சம்பந்தப்பட்ட கோப்புகளை பூட்டு போட்டுத்தான் வைத்திருந்தாலும் காணாமல் போனபின் என்ன செய்ய.

எனக்கு தெரிந்த பெண் ஒரு ரகசிய ஏமாற்றத்தை பற்றி சொன்னாள் இப்படியும் நடக்குமா என்று நான் அசந்து போனேன், அவளுக்கு ஒரு நண்பர், அவர் அடிக்கடி அவள் வீட்டுக்கு வந்து போவாராம், இவள் பண பையில் வைக்கும் பணம் காணாமல் போய்க்கொண்டே இருந்ததாம், இவளுக்கு பணம் எங்கே போனது என்று ஒரே குழப்பம், பணம் இருக்குமிடம் அந்த நண்பருக்கு தெரியாதாம், வேறு யாரும் எடுக்க வாய்ப்பும் இல்லையாம், ஒரே குழப்பமாக இருந்ததாம் இவளுக்கு, பிறகு தெரிய வந்ததாம் அந்த நண்பர் magic கற்று வைத்து இருக்கிறார், அவரால் அடுத்தவரின் பொருளை அவருக்கே தெரியாமல் தன் கைக்கு கொண்டுவரும் magic கற்று தேர்ந்தவர் என்பது, இதனால் நாம் அறிவது யாதெனில் யாரையுமே நம்ப கூடாது என்பது தான்.

செல்போன்களில் DND என்ற ஒரு வசதி இருப்பதாக அறிவித்திருக்கிறார்கள், ஆனால் இந்த DND மூலம் எத்தனை நன்மை என்றால் என்னை பொறுத்தவரை " வேலியே பயிரை மேய்வது" என்பதுதான் நடக்கிறது, இந்த வசதியினை உபயோகப்படுத்தி அவசியமற்ற செய்திகளையும் அழைப்புகளையும் தவிர்க்க நினைத்து ஒரு complaint கொடுத்தால் அதை ஏற்றுக்கொண்டு ஒரு எண் நமக்கு கொடுக்கிறார்கள், அடுத்த நாற்ப்பதைந்து நாட்களுக்கு பின் உங்களுக்கு தேவையற்ற அழைப்புக்கள் வராது என்று சொல்லுகிறார்கள் ஆனால் அவர்கள் கூறுவது போல தேவையற்ற அழைப்புகள் நிறுத்த படுவது இல்லை, அவர்களே அழைத்து தொந்தரவு கொடுப்பதுடன், தேவையற்ற செய்திகளையும் அனுப்புவது அதிகமாவதுதான் மிச்சம். இந்த சேவையால் யாருக்கும் ஒரு பலனும் இருக்கவே வாய்ப்பு இல்லை, மற்றவர்களின் தேவையற்ற செய்திகளும் அழைப்புகளும் வேண்டுமானால் தடுக்கபடுகிறதே தவிர சம்பந்தப்பட்ட சேவையிலிருந்து நிறைய தேவையற்ற செய்திகளும் அழைப்புகளும் முன்பை விட இன்னும் அதிகரிப்பதுதான் பெரும் தொல்லை.

இணையதள சேவையில் ( ISP ) பிரச்சினை, wireless என்றால் தொல்லைகள் குறைவோ என்னவோ தெரியவில்லை, ஆனால் router மூலம் ( server ) தொடர்புகொள்ளும் சேவைகள் பெரும் தொல்லை, நாம் எந்த site பார்க்கிறோம் யாருடன் messenger ரில் பேசுகிறோம் என்று நோட்டம் விடுவது மட்டுமில்லாது, வேறே பல தொல்லைகளும் இவர்களால் உண்டு. அவை இங்கு பட்டியல் இட்டு மாளாது.

பால் பாக்கெட்டுகளில் கூட கலப்படமும் ஓட்டை பால் கவர்களும், பால் கவர்களை கையில் வாங்கினால் ஓட்டை கவர்களை வேண்டாம் என்று கொடுத்து விடலாம், கவர்களை வைத்துவிட்டு போனபின் போய் பார்த்தால் கவரில் இருந்த பால் எல்லாம் ஒழுகி விட்டு வெறும் கவர் தான் இருக்கும், இதற்க்கு காரணம் பால் கவர்களில் ஊசி குத்தி சிரிஞ் மூலம் பாலை எடுக்கிறார்கள் எடுத்த பாலுக்கு பதில் நீரை நிரப்பி துவாரத்தை அடைத்து விடுகிறார்கள் என்று பலரும் குற்றம் சுமத்துகிறார்கள் , அப்படி அடைக்காமல் விட்டு விட்ட பால் கவர்கள் தான் ஓட்டையாக நம்மிடம் வந்து சேர்கின்றன.

இந்த மாதிரியான சமுதாய எதிரிகளிடம் மிகவும் ஜாக்கிரதையாக இருக்க வேண்டும்.

முக்கிய நண்பர்கள்

அவன் என் நண்பன், அவனை எனக்கு அறிமுகப்படுத்தியது என் தகப்பனார், என் தெருவிற்கு அடுத்த தெருவில் புதிதாய் குடி வந்தவன், தெருவிளக்குகளை நம்பி இரவில் தனியே நடந்து வீட்டிற்கு வர முடியாதபடி ஊர் மிகவும் மோசமாக இருந்ததால் என் அப்பாவின் நண்பரான அடுத்த தெருவிற்கு புதிதாய் வந்திருந்தவரின் மகனும் சுருக்கெழுத்து கற்க போவதை அறிந்த என் தகப்பனார் அவனுடன் சேர்ந்து வரும்படி என்னை அவனுக்கு அறிமுகப்படுத்தினார்.

அவனுடன் பேசிக்கொண்டிருந்தால் பொழுது போவதே தெரியாது அதனை ஹாஸ்யம் இருக்கும் அவனது பேச்சில், அவனது ஆண் நண்பர்களின் செயல்களை சொல்லி வயிறு வலிக்க சிரிக்க வைப்பான், என்னையும் அவனது மற்ற ஆண் நண்பர்களை போலவே நினைத்து பழகுவான், மணி கணக்கில் என் வீட்டிற்கு வந்து பேசி கொண்டிருப்பான்.

ஒருநாள் அவன் அம்மா எங்கள் வீட்டிற்கு வந்து இப்படி மணி கணக்கில் பேசிக்கொண்டிருந்தால் என்னை பெண் பார்க்க வருபவர்களிடம் அக்கம்பக்கத்து வீட்டுக்காரர்கள் என் மீது அவதூறு சொல்லி என்னை யாரும் கல்யாணம் பண்ணவிடாமல் செய்து விடுவர் என்று சொன்னவுடன் அம்மாவிடம் சண்டை போட்டுக்கொண்டு இரவோடு இரவாக ரயிலேறி அவர்களது சொந்த ஊர் சென்று அவனது தாய் மாமாவிற்கு தெரியாமல் அவரது மகளை அழைத்து கொண்டு போய் ஒரு தாலியை கட்டி வேறு நண்பன் வீட்டில் தங்கி இருந்து விட்டான்.

பின்னர் வீட்டிற்கு வந்து bank recruitment டெஸ்ட் எழுதி வேலை கிடைத்து செட்டில் ஆகிவிட்டான். அவன் எனது நண்பன், முழுக்க முழுக்க நல்ல நண்பனாக மட்டுமே பழகியவன். ஒரு போதும் என்னை ஒரு பெண் என்ற கோணத்தில் பார்க்காத அருமையான நண்பன்.

என் பெரியப்பா எனக்கு அறிமுகப்படுத்திய ஒரு நண்பன், இந்த நண்பனை நினைத்தாலே எனக்கு அலர்ஜிதான் ஒரு முறை நான் வேலை பார்த்து வந்த அலுவலகத்திற்கு தொலை பேசியில் தொடர்பு கொண்டு "typist" இருக்காங்களா என்று கேட்ப்பதற்கு பதில் "typewriter" இருக்காங்களா என்று டெலிபோன் operator இடம் திரும்ப திரும்ப கேட்டு அவள் வந்து என்னிடம் ' என்ன இப்படி போன்ல பேசற நண்பர்களை வைத்து கொண்டிருக்கிறாயே" என்று கேட்டு என் மானத்தை வாங்கி விடடாள், எங்கு வேலைக்கு போனாலும் அங்கேயே வந்து நின்று விடுவான், இவனை கட்டு படுத்தவே முடியாது, சரியாக படிப்பும் ஏறாது, பணக்கார வீட்டு "பொருக்கி" பையன்.

இன்று வரை அவன் மாறவே இல்லை, அவன் நினைக்கும் நேரத்தில் என் வீட்டிற்கோ நான் வேலை செய்து கொண்டிருக்கும் இடத்திற்கோ வந்து நின்று விடுவான், வீட்டிற்கு வந்தால் இவனுக்கு தண்ணீரை தவிர வேறு ஒன்றையுமே நான் கொடுக்க மாட்டேன், பிரிட்ஜ் ஐஸ் வாட்டர் எவ்வளவு இருக்கிறதோ அவ்வளவையும் குடித்து விட்டு போவான். சரியான விவஸ்த்தை கெட்ட ஜென்மம், என்னோட கணவர் இருக்கும் போதும் திடீரென்று வந்து உட்கார்ந்து விடுவான், 'போய் சமையல் செய்து ஏதாவது கொண்டு வா என்பான்' நான் சொல்லுவேன் 'என் வீட்டில் நாங்கள் எல்லோரும் உணவு கட்டுபாட்டில் இருப்பதால் ஒன்றும் செய்வதற்கில்லை' என்று சொல்லி துரத்தி விடுவேன், இங்கிதம் தெரியாதவன்.

நண்பர்களில் கூட பல வகை உண்டு, அதில் மேல் குறிப்பிட்ட இந்த இரண்டு நண்பர்களும் நேர் எதிர் துருவங்கள்.

கற்பு

கற்பு என்றவுடன் எனக்கு நினைவிற்கு வருவது பெண்களை அல்ல.

பல ஆண்களைத்தான், அத்தனை சீக்கிரத்தில் ஒருத்தியிடம் அடிபணிய மாட்டான், அவள் அழகியோ பணக்காரியோ படித்தவளோ கலைகளில் உயரிய நிலையில் இருப்பவளோ, யாராக இருந்தாலும் சரி, எப்போதும் எதற்கும் நெகிழ்ந்து போகாத, மனதை பரி கொடுக்காத குணமுடையோன், அவன் நேர் கொண்ட பார்வையும் தனது காரியத்தில் மட்டும் முழு சிரத்தை கொண்டு சிறப்புற செயல் படுபவன், அவனை அடைய பல மங்கையரும் விரும்புவர். ஆனால் அவனோ அவற்றையெல்லாம் ஒரு பொருட்டென மதிக்க மாட்டான்.

திறந்த மார்பில் அவனை காணும்போது ஆண் அழகானாய் இருக்க வேண்டுவது மட்டும் இல்லை, அவனது வைராக்கியமான குணமும் சேர்ந்தால் ஒரு பெண்ணை வசீகரிக்க வேறு ஆயுதம் தேவை இல்லை.

சரியான உயரமும், உடற்பயிற்ச்சி செய்த உடலும் அதன் மீது அவன் அணியும் சீருடையோ அல்லது வேறு கச்சிதமான உடைகளோ ஒரு பெண்ணை கவரும் உடற்வாகு.

கடமையே கண்ணாக இருப்பதும் ஆணின் அழகுகளில் ஒன்று.

சில ஆண்களை நான் கண்டதுண்டு, எத்தனை வைராக்கியம் இவர்களுக்கு, இவரை சிலர் திமிர் பிடித்தவன் என்றும் சித்தரிப்பதுண்டு. ஒன்றுக்கும் வளைந்து கொடுக்காத இவர்களின் நேர்ப்பார்வை, எதிலும் ஆராய்ந்து அறியும் நுண்ணறிவு திறன். ஆற்றல் மிகுந்த அறிவுத்திறன், அடுத்தவரை பற்றி எடை போடும் யுக்தி, ஆச்சர்யப்பட வைக்கும் முன் யோசனை, திட்டமிடுதல், எதிரியை நண்பனாக்கும் திறமை.

இவரின் கற்பு என்பது இவைகள் தான். இந்த கற்ப்பை விலை பேச யாராலும் கூடாது, பெண்ணை மயக்கும் இந்த மாய சக்திகள் ஒரு முழுமையான ஆணுக்கு உள்ளது. வியப்படையச்செயும் இந்த ஆண்களை ஒரு நாளும் எதனாலும் மயக்க முடியாது,( such a strong attitude, a female surrender herself to him without any complications.). அப்படிப்பட்ட ஆண்களைத்தான் பெண்களும் விரும்புகிறார்கள்,




.

முதல் முத்தம்

ஒரே கம்பனியில் இருவருக்கும் வேலை, அவளுக்கு வயது 20 நிரம்பவில்லை, அவனுக்கு வயது 24. அவன் மாநிறம் என்றாலும் மூக்கும் முழியுமாய் அந்த வயதிற்கே உரித்தான சுறுசுறுப்புடன் இருப்பான், இருவரும் சென்னை கடற்க்கரை - தாம்பரம் செல்லும் லோக்கல் ரயிலில் தான் தினமும் அலுவலகம் வருவர், அவன் தாம்பரத்திலிருந்து கிண்டிக்கு வருவான் அவள் பழவந்தாங்கலில் இருந்து கிண்டிக்கு வருவாள், அவள் நல்ல அழகி, சிவந்த நிறம், நீண்ட அடர்த்தியான கூந்தல், நீண்ட கரிய புருவம், நீண்ட மீனை போன்ற துரு துரு கண்கள், அவள் கன்னம், தொட்டு பார்க்க தூண்டும் அழகு.

தினமும் ஒரே ரெயிலில் வந்தாலும் எப்போதுமே இருவரும் பேசியது இல்லை, இருவரும் வேறு வேறு department என்பதால். ஒரு நாள் இவன் வந்து இவளிடம் சிறியதாக மடிக்கப்பட்ட ஒரு காதல் கடிதத்தை கொடுத்து சென்றான், அதை அவன் போனவுடன் படித்தாள், அதில் அவன் இவளை நேசிப்பதாகவும், அவளுக்கு அவனை பிடிக்கவில்லை என்றால் கடிதத்தை யாருக்கும் காண்பிக்காமல் கிழித்து போட்டு விடும்படியும் கேட்டுகொள்வதாகவும் எழுதி இருந்தான்.

ஏறக்குறைய ஒருவருடம் முடியும் தருவாயில் கம்பெனியில் union போராட்டம் துவக்கியது, ஆட் குறைப்பு செய்தது நிர்வாகம், இதில் கம்பெனியில் இருந்து 75% ஊழியர்களை நீக்கம் செய்தது நிர்வாகம், அப்போது அவளும் கம்பனியை விட்டு வெளியேற்றப்பட்டு விட்டாள்.

அவனை மறந்தே போனாள், மூன்று நான்கு மாதங்களுக்கு பின்னர் இவளுடைய வீட்டு விலாசத்திற்கு இவனிடமிருந்து கடிதங்கள் வர ஆரம்பித்தன, அவனுக்கு பதிலேதும் போடாமலே காலம் கடத்தி வந்தாள், ஒரு நாள் அவனது கடிதத்தில் ஒரு தொலைபேசியின் எண் கொடுத்து அதற்க்கு தொடர்பு கொண்டு பேசுமாறு எழுதி இருந்தான். இருவரும் ஒருவரை ஒருவர் சந்திக்க ஆரம்பித்தனர்.

அவன் ஒரு புது இருசக்கரவாகனம் வாங்கி இருப்பதாக சொல்லி அவளை ஒரு வார இறுதியில் ஒரு சனிக்கிழமை மஹாபலிபுரம் கூட்டிச்சென்றான், இருசக்கர வாகனத்தில் முதன் முதலில் ஒரு ஆடவனோடு பயணம் செய்வது அவளுக்கு மிகவும் பயமாக இருந்தது. மலை மீதுள்ள கோயிலுக்கு கூட்டிச்சென்றான், மஹாபலிபுரம் போவதும் அவளுக்கு அதுவே முதல் முறை, குன்றின் மீது ஏறி சென்ற பின் அங்கிருந்த கோவிலின் வாசலில் அவளை உட்காரும்படி சொன்னான், அவளும் அவனுடன் உட்கார்ந்து கொண்டாள், அவனை அவளுக்கு கொஞ்சம் கொஞ்சமாக பிடிக்க ஆரம்பித்திருந்த சமயம் அது, அவள் எதிர்பார்க்கவே இல்லை, அவன் அவள் முகத்தை தன் பக்கம் திருப்பி ஒரு முத்தம் கொடுத்தான், இதழோடு இதழ் சேர்ந்த முதல் முத்தம், வாழ்க்கையில் அவளால் என்றுமே மறக்க முடியாத முத்தம்.

அவள் அவனை நம்பினாள், அவன்தான் தன் கணவன் என முடிவும் செய்தாள், அவன் மீது காதல் கரை புரண்டு ஓட ஆரம்பித்தது, அவன் அவளை சந்திக்கும் போதெல்லாம் வித்தியாசமான முறையில் நடந்து கொள்வான் அது அவளுக்கு மிகவும் பிடித்திருந்தது, அவன் ஒரு அறிவு ஜீவி, கடற்கரைக்கு கூட்டிச்சென்றால் வானுக்கும் கடலுக்கும் ஏன் நீல நிறம் வந்தது தெரியுமா என்பான், சொல்லேன் என்பாள் இவள், ஏன் என்றால் அவன் B.E. Mech. படித்திருந்தான் அவளோ B.A.( economics) படித்திருந்தாள், அவளுக்கு அவன்பால் அதிக மரியாதையும் கூட, கடலைகள் காலில் மோதியடிக்கும்போது அவன் கேட்பான் அவளிடம், கடலில் ஏன் அலைகள் ஏற்படுகின்றன தெரியுமா என்று, அவனுக்கு தெரியாத ஒன்று கவிதைகள் எழுதுவதும் அதை ரசிப்பதும் தான்.ஆனால் இவள் எழுதும் கவிதைகளை கேட்டு 'இவளவு அழகாய் எழுதுகிறாயே' என்று குதூகலிப்பான். இந்த ஒன்றைத்தவிர வேறு ஒன்றும் அவளுக்கு அவனிடம் குறை இருப்பதாக தெரியவில்லை.

ஒரு நாள் அவள் வேலை செய்து கொண்டிருந்த இடத்திலிருந்து அவளை தனது இருசக்கர வாகனத்தில் அமர்ந்து கொள்ளுமாறு வற்ப்புறுத்தி வீட்டுக்கு திரும்பி அழைத்து வந்து கொண்டிருந்தபோது, வழியில் வண்டியை நிறுத்தி விட்டு காப்பீ சாப்பிட ஒரு சிற்றுண்டிக்கு அழைத்து போனான், அங்கே இவளின் மாமாவும் அப்பாவும் ஏற்கனவே அமர்ந்து தேநீர் அருந்தி கொண்டிருந்ததை இருவருமே கவனிக்கவில்லை, இருவரும் தேநீர் அருந்திவிட்டு வெளியே வந்தனர், கையும் களவுமாக பிடிபட்டு விட்டனர்.

அவளின் அப்பா அவனிடம் இவளை திருமணம் செய்து கொள்வதானால் உன் பெற்றோரை கூட்டி வா என்று சொல்ல அவனோ என் பெற்றோர் இதற்க்கு சம்மதிக்க மாட்டார்கள் என்று சொல்ல அப்படியானால் இவளை இனி பார்க்க முயற்சி செய்யாதே என்று அவள் அப்பாவும் மாமாவும் சொல்லிவிட, வேறு மாப்பிள்ளை வீட்டார் பெண் கேட்டு வந்தனர், இவள் அவனது விலாசத்திற்கு சென்று பார்த்த போது , அவன் வீட்டை காலி செய்துவிட்டு மதுரை போய் விட்டதாக தகவல், வேறு வழி இன்றி பெற்றோர் பார்த்த மாபிள்ளைக்கு கழுத்தை நீட்டினாள்.

இவளது கணவன் இவளுக்கு முத்தமே தருவது இல்லையாம், ஏன் என்று கேட்டேன், அதுவும் ஒரு காதல் கதையாம், அவருடைய காதலியிடம் சத்தியம் செய்து கொடுத்தாராம், உன்னை தவிர நான் யாரையும் முத்தம் செய்ய மாட்டேன் என்று, என்ன கொடுமை இது, இவளுக்கு கிடைத்த "எதிர்பாராத" முத்தத்தை தவிர வேறு முத்தம் வாழ்வில் இனி இல்லையாம்.