சமீபத்தில் தமிழ்நாட்டை கதிகலங்க வைத்திருக்கும் காலாவதியான மருந்துகளை விற்ற சம்பவத்தில் கைது செய்யபட்டிருக்கும் முக்கிய குற்றவாளிகளாக கருதப்படும் சிலருக்கு விசாரணை நடந்து வருவது நாம் அறிந்த ஒன்று என்றாலும் நேற்றைய செய்தியில் குற்றம் சாட்டப்பட்டவரின் சார்பில் வழக்கை ஏற்று வாதாட துவங்கியிருக்கும் வழக்கறிஞர் ஒருவர் தனது தரப்பில் குற்றவாளியாக கைது செய்யப்பட்டுள்ளவர் நிரபராதி என்று கூறுவதை கண்ட போது மனதில் 'திக்' என்றிருந்தது.
தன் தரப்பில் உள்ளவர் குற்றமுள்ளவராகவோ குற்றம் சாட்டபட்டவராகவோ இருந்தாலும் கூட அவர் நிரபராதி என்று வாதிட ஒரு வழக்கறிஞர் உதவுகிறார் என்பது நமது நாட்டில் பல சமூக விரோதிகளை மேற்கொண்டு குற்றங்கள் செய்வதற்கு தைரியம் அளிக்க இடம் கொடுக்கும். இன்றைய செய்தியில் மற்றொரு வழக்கறிஞர் கூறிய செய்தி காலாவதியான மருத்துகளை விற்ற வழக்கை குற்றவாளியின் சார்பில் வழக்கறிஞர் யாரும் ஏற்றுக்கொள்ளக் கூடாது என்று பார் கவுன்சிலில் முடிவு எடுக்கப்பட்டுள்ளது என்று கூறினார், அப்படி பார்கவுன்சிலில் முடிவு எடுக்கபட்டிருந்தால் நாட்டில் வழக்கரிஞர்களின் மீதும் சட்டம் மற்றும் நீதிமன்றங்களின் மீதும் மக்கள் வைத்திருக்கும் மதிப்பும் நம்பிக்கையும் மென்மேலும் அதிகரிக்கும், சமுதாய விரோதிகளிடமிருந்தும் விமோசனம் கிடைக்கும்.
கைதாகி இருக்கும் குற்றவாளிகளுக்கு நீதிமன்றம் கொடுக்கும் தண்டனையை பொறுத்தே இனி வரும் காலத்தில் எந்த விதத்திலும் குற்றவாளிகள் தப்பிக்க வாய்ப்பு கிடைக்காது என்பதை அறிந்து அப்படிப்பட்ட குற்றங்கள் நிகழாமல் தடுக்க மக்களிடையே நம்பிக்கையும் சமூகவிரோதிகளுக்கு பயமும் ஏற்ப்படும். அமெரிக்க ஐக்கிய நாட்டில் மருந்துகளை விற்ப்பதற்க்கு கடுமையான சட்டங்கள் இருப்பது போன்று இந்தியாவிலும் அம்மாதிரியான சட்டங்களை கொண்டு வரவேண்டும் இம்மாதிரியான தவறுகள் செய்தவருக்கு அமெரிக்காவில் மரண தண்டனை நிறைவேற்றுவது போன்ற மிககடினமான சட்டங்களை இந்தியாவிலும் கொண்டுவரவேண்டும்.
உயிர்காக்கும் மருந்துகளை போலியாக விற்ப்பது என்பது கொலை குற்றத்திற்கு சமமானது என்பதாலும் மேலும் குற்றவாளிகள் இது போன்ற நடவடிக்கைகளில் ஈடுபடுவதை தடுக்கவும் மரண தண்டனை விதிப்பதில் தவறு இல்லை.
